صباح الخير
شوف أنت بتقرأ إمتى و إيه ظروفك و خد اللي أنت عايزوه
ثانياً : بصراحة في حركات غبية أنت بتعملها في حياتك اليومية
ليـــه ؟
أكيد متعرفش
المهم مش عايز اطول عليكم ندخل في الموضوع
ليه لو كانت بطارية الريموت كنترول ضعيفة بتضغط جااااااااااامد على الأزرار ؟
يعني أيديك هتنشحن أم البطارية
بلاش دي
طيب ليه بتوطي صوت الكاسيت أو الراديو في العربية لو توهت في الطريق ؟
يعني كده هتعرف الطريق ؟
بلاش دي كمان
طيب ليه لو شفت على الجدار : احترس من الدهان ؟... مبتصدقش و بتجرب بإديك ..
يعني لازم يحلفولك يعني ؟
بلاش دي كمان ... بس أنا فوتلك كتير
المهم
ليه طيب لو أتأخر الأسنسير بتدوس على الزرار مية مرة ؟
يعني كده هيحس على دمه و هيفتح ؟
ماشي يا عمنا ... بلاش
طيب ليه لو شربت بيبسي و خلصته بتهز العلبه ؟
يعني صعبان عليك اللي شوية الفاضلين
حرااااااام عليك ... ده انت غبي مووووووت
طيب ليه لو كنت قاعد في مكان عام و سمعت رنة مسج ولارنة موبايل على طووووول بتشوف موبايلك ؟
ليه ؟!! حضرتك مهم للدرجادي علشان يرن موبايلك بين البشر دي كلها ؟!!
بلاش دي كمان
ليه طيب لو لعبت بلاي ستيشن ( لعبة سبايق ) بتلف مع العربية لو تحركت يمين و شمال ؟
مفكر نفسك العربية ؟!!
ده انت غبي غباء الإبل
بس أنا طيب و هفوتلك
طيب ليه لما بتشتري معجون الأسنان اللي معاه فرشة هدية
بتقول المعجون ده معاه هدية مجانية
ليه ؟!! عمرك سمعت عن هديه بفلوس !!
أنا لو منك أروح أنتحر
طيب ليه لما تكون جوه البيت و السما بتمطر بتسأل : هوه الدنيا بتمطر بره ؟
يعني هي عمرها مطرت جوه مش بره ؟!!
يا جدع كفاية بقى ... ده انت طلعت مجنوووووووون
طيب ليه لما بتوقف عربيتك في موقف فاضي مفهوش غير عربية واحده بتيجي جنب العربية اللي واقفة و تركن
يعني موقف طويل عريض ملاقتش غير جنب عربيات الناس ؟!!
يووووه حرام عليك يا جدع .... حاول تتغير
طيب ليه لما يكون في واحد مستني الأسنسير و تيجي أنت بعده بدوس على الزرار تاني ....
يعني هوه كان واقف يصوروه ؟!!
طيب سيبك من ده كولوه ... ممكن أعرف
ليه لما تيجي توكل أخوك الصغير بتفتح بؤك
إنت اللي هتاكل ولا هوه ؟!!
أنا لو منك مكملش .. كفاية كده .... روح أتعالج
طيب تعرف تقولي ليه لما حد يصحيك من النوم الصبح بتكون عايز 10 دقايق بس و تصحى ؟!!
يعني هي اللي هتخليك مصحصح ؟!!
ده إنت غريييييييييب
طيب ليه
بعد ما تشرب الشاي بتبص على الكوباية تشوفها خلصت ولا لأ .... يعني مش هتصدق غير لما تشوووف .....
و دلوقتي بئا .... إنت مجنون ولا لأ .... مريض نفسياً ولا لأ ... روح إتعالج يابني و متسبش نفسك علشان الموضوع ميكبرش
موضوع: ادخل وحتطلع شاكك في نفسك ........... 
الإثنين أبريل 21, 2008 4:30 pm
